La formación en Podemos foi un compromisu qu’asumimos como proxecto políticu depués de la II Asemblea Ciudadana de Vistalegre y, especialmente, depués del alcuentru «En Marcha 2019», onde se proxectaron delles de les nuestres lliñes maestres na fueya de ruta escontra les elecciones europees, autonómiques y municipales del 2019.
La escuela ta dirixida exclusivamente a cargos públicos de Podemos (quier dicise, a eurodeputaes y eurodeputaos, a deputaos y deputaes estatales y autonómicos, a senadores, a miembros de los Cabildos, Consells y Juntas, a conceyales) y a quien faigan parte de los equipos de gobierno. Nella ofrecerase formación técnico-política en distintes materies, col obxectivo de que los nuestros cargos públicos algamen competencies coles que puedan desenvolver meyor el trabayu institucional.
Y non eso solo. Esta escuela quier ser el gran espacio de formación de cara al futuro más inmediato. Gobernamos yá nes principales ciudaes del país, en Castía-La Mancha o nos Consells, pero aspiramos a gobernar más y meyor depués de les elecciones del 2019. Esta será la nuestra «escuela de gobierno».
Una escuela permanente nel tiempu, itinerante nel territoriu y renovable nos conteníos: que se desenvolverá diquiá’l 2019 y acullá, que se moverá pel país y que renovará periódicamente’l so programa formativu.
La so vocación itinerante va permitir a los cargos públicos de Podemos dir a la escuela ensin necesidá d’andar grandes distancies. La idea ye simple: convocaremos a los nuestros cargos públicos en ciudaes y feches distintes.
Arrancamos con un programa formativu mui bien completu, qu’incluye temas como la comunicación política y la oratoria, el municipalismo, la plurinacionalidá, el desenvolvimientu programáticu, los feminismos, el mundo rural, la política frente a la corrupción, etcétera.
Van participar diferentes secretaríes, árees y equipos de Podemos. Y, por supuesto, queremos que tu, cargu públicu de Podemos, tamién participes. ¡Esperámoste!
I Edición: 9 y 10 de xuno en Llión, con cargos públicos de Castilla y Llión, Galiza, Asturies y Cantabria
II Edición: 29, 30 de xuno y 1 de xuneto en Pamplona, con cargos públicos d’Euskadi, Nafarroa, La Rioja y Catalunya
