La formación en Podemos estió un compromiso que asumiemos como prochecto politico dimpués d’a II Asembleya Ciudadana de Vistalegre y, mas que mas, dimpués d’a trobada «En Marcha 2019», an que se prochectoron qualques d’as nuestras linias mayestras en a fuella de rota enta las eleccions europeas, autonomicas y municipals de 2019.
La escuela ye endrezada exclusivament a cargos publicos de Podemos (esto ye, a eurodiputadas y eurodiputaus, a deputaus y deputadas estatals y autonomicos, a senadors y senadoras, a miembros d’as Chuntas, Cabildos y Consells, a concellers y concelleras) y a qui fan parte d’os equipos de gubierno. En ella s’ofrirá formación tecnico-politica en distintas materias, con l’obchectivo que los nuestros cargos publicos adquieran competencias que les permitan de fer un millor treballo institucional.
Y no nomás ixo. Esta escuela pretende estar lo gran espacio de formación de cara a lo futuro mas immediato. Gubernamos ya en as prencipals ciudatz d’o país, en Castiella-La Mancha u en os Conselloss, pero aspiramos a gubernar mas y millor dimpués d’as eleccions de 2019. Esta será la nuestra «escuela de gubierno».
Una escuela permanent en o tiempo, itinerant en o territorio y renovable en os suyos contenius: que se desenvolverán d’aquí a 2019 y dillá, se desplazará per lo país y esviellará periodicament lo suyo programa formativo.
Su vocación itinerant permitirá a los cargos públicos de Podemos d’acudir a la escuela sin necesidat de cubrir grans distancias. La ideya ye simple: convocaremos a los nuestros cargos publicos en diferents ciudatz y datas.
Rancamos con un programa formativo muito completo, que incluye temas como la comunicación política y la oratoria, lo municipalismo, la plurinacionalidat, lo desenvolvimiento d’o programa, los feminismos, el mundo rural, las políticas debant d’a corrupción, etcetera.
Participarán distintas secretarías, arias y equipos de Podemos. Y, prou que sí, queremos que tu, cargo público de Podemos, también i participes. ¡Te i aguardamos!
I Edición: 9 y 10 de junio en León, con cargos públicos de Castilla y León, Galiza, Asturies y Cantabria
II Edición: 29, 30 de chunyo y 1 de chulio en Pamplona, con cargos publicos d’Euskadi, Nafarroa, La Riocha y Catalunya
